habang tinatakluban ng anino ng bagong buwan
ang sikat at liwanag ng musmos na umaga
mistulang lumuluha sa tuwa ang mga diyosa’t diwata
yumayakap sa hangin ang tamis ng pag-ibig
tunog ng daang-libong tibok ng pusong nahuhulog mula sa langit
larawan ang buong mundo ng hinahon at payapa
at parang huminto ang oras nang mahigit pa sa kisapmata
hindi ipagpapalit at wala nang babaguhin
bukod sa hiwaga ng sandaling ito’y ikaw sana ay kapiling.
- hango kay toiluna
No comments:
Post a Comment