Nais kong bumalik sa kahapon subalit hindi ko maaaring iwan ang kasalukuyang panahon…
Nais kong muli kang mahagkan. Nais kong ibalik ang mga sandaling masaya ko sa piling mo. Nais kong muli kang bumalik sa buhay ko subalit isa ka na lamang alaala…
Alam kong hindi ka na magbabalik sa akin dahil tuluyan ka nang lumayo. Pinili mong umalis sa buhay ko sa pag-aakalang wala ka ng espasyo sa puso ko. Alam mo kung gaano kita kamahal at alam mong wala na kong mahihiling pa sa mga panahong kasama kita. Ikaw ang buhay ko. Nang maghiwalay tayo, huminto ang pagtibok ng puso ko. Hindi ko alam kung paano haharapin ang panibagong umaga nang wala ka.
Binigyan niya ng buhay ang puso kong namatay dahil sa pagkawala mo. Ipinadama niya ang pagmamahal na minsan kong naramdaman mula sayo. Muli akong ngumiti dahil sa kanya…
At ngayong nagbabalik ka sa buhay ko, litung lito ang isip ko. Minahal ko kayo sa magkaibang panahon.Kung bibigyan lang ako ng pagkakataong makabalik sa nakaraan, pakikinggan ko ang tunay na tinitibok ng puso ko upang mapagdesisyunan ang tamang bagay sa tamang panahon.
<emosyon>
No comments:
Post a Comment